Eigedom
Naustdalsvegen 3
6800 Førde
4. etasje
Standard
Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.
Byggjemåte
Bygningen er oppført i tradisjonell konstruksjon i høve til byggeåret 1999, og har i ettertid hatt normalt vedlikehald, men har i stor grad konstruksjonsmessig standard frå byggeåret. Leilegheita har hatt vanleg vedlikehald, men har konstruksjonsmessig standard, installasjonar og innreiingar med standard frå byggeåret. Behov for vedlikehald og teknisk oppgradering ut over kommenterte avvik må difor kunne påreknast som følgje av naturleg elde og slitasje.
Ved kjøp og sal av bustadar er det viktig å ikkje samanlikne eldre bygningar med nybygg. I eldre bygningar vil det alltid kunne oppstå framtidig behov for oppgradering/utskiftning av eldre bygningskomponentar sjølv om det ikkje er registrert vesentlege avvik på tidspunktet for synfaringa. Bygningen sin isolasjonsverdi er vurdert som normal i høve til byggeåret sine føreskriftskrav, men ligg under dagens krav for nybygg.
UTVENDIG:
Bygningen er i hovedsak oppført i betong, stål,- og trekonstruksjon. Etasjeskille av betongelement med oppfora golv. Ytterveggar av bindingsverk med utvendig kledning av fasadeplater, trepanel og skallmur av teglstein. Skilleveggar mellom leilegheitene av bindingsverk, utført som lyd- og branncellekonstruksjon. Takkonstruksjon med flatt tak, oppbygd av stålbjelkar med Q-dekke og taktekking av membran. Vindu med aluminiumskarmar med 2-lags glas. Takvindu i kontoret. Inngangsdør med finerte overflater. Terrassedør i stova og i soverommet med aluminiumskarmar med 2-lags glas. Frå stova og soverommet er det tilkomst til overbygd terrasse med betongdekke med spaltegolv av terrassebord, og tekking av pvc-duk, ca. 5m2. Seksjonen har bruksrett til bod med tilkomst frå fellesarealet i 4. Etasje, ca. 1,5m2. Boda er i felles bodrom, og er delvis avdelt med nettingvegg og delvis med plater.
INNVENDIG:
Golv med laminat. Veggar med malte tapetserte overflater. Himlingar med malte plater. Trekvite trefyllingsdører innvendig. Skyvedørsgarderobe med garderobeinnreiing i soverommet. Skyvedørsgarderobe med speilfrontar i entrèen.
VÅTROM:
Bad med flislagt golv med varmekablar i golvet, flislagte veggar, himling med malte plater, klosett, baderomsinnreiing med servantplate med to servantar, bidé, og dusjhjørne med veggmontert dusj. Vaskerom med belegg på golvet, veggar med malte tapetserte overflater, himling med malte plater, vaskeromsinnreiing med god skapplass, skyllekar, laminatbenkeplate, og opplegg for vaskemaskin.
KJØKKEN:
Kjøkkeninnreiing med malte profilerte frontar, laminatbenkeplate, integrert platetopp, steikeomn, kjøle/fryseskap og frittståande oppvaskmaskin som følgjer med ved sal. Flislagt veggflate mellom benkeplata og overskapa.
TEKNISKE INSTALLASJONER:
Ventilasjonen er basert på balansert ventilasjon med varmegjenvinning. Det er installert to panelomnar i stova, og ein på kontoret. Sentralstøvsugar er installert. Sanitæranlegg med rør-i-rør system og avløpsrør av plast. Varmtvasstank på 200 liter frå 1999 er installert i teknisk rom. Elektrisk anlegg med skjult installasjon og sikringsskap med automatsikringar. Belysning med led-downlights i stova. Fiber er installert. Dørtelefon er installert.
Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Ole André Roska v/ Førde Takstkontor, datert 02.04.2024, der enkelte bygningselementer har oppnådd tilstandsgrad 2 (TG2) og tilstandsgrad 3 (TG3). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova.
Følgende punkt har fått TG2:
Utvendig > Vinduer:
Vindua er med standard frå byggeåret, og har oppnådd meir enn halvparten av forventa brukstid med omsyn til alder og forventa brukstid for vindu med 2-lags glas.
Utvendig > Dører:
Dører med 2-lags glas har med omsyn til alder oppnådd meir enn halvparten av forventa brukstid for dører med 2-lags glas.
Utvendig > Balkonger, terrasser og rom under balkonger:
Rekkverket har høgde på ca. 90 cm, etter dagens forskrift er det krav om rekkverk med høgde på minimum 100 cm for nybygg. Rekkverkshøgde på 90 cm var innafor forskriftskravet på oppføringstidspunktet, og det er ikkje krav til utbetring av rekkverkshøgde.
Utvendig > Felles utvendige bygningsdeler:
Det er ikkje framlagt vedlikehaldsplan/tilstandsrapport for felles bygningsdelar i sameiget.
Våtrom > 4. Etasje > Vaskerom > Overflater Gulv:
Det er eit mindre hol i golvbelegget som er fuga, lokal utbetring er anbefalt. Varmekablane er frå byggeåret, og har oppnådd rundt halvparten av forventa brukstid med omsyn til alder. Forventa brukstid for varmekablar er normalt rundt 50 år.
Våtrom > 4. Etasje > Bad > Overflater Gulv:
Det er påvist at høgdeforskjell frå topp slukrist til golv/synleg membran ved dørterskel er under 25 mm. Golv/synleg membran ved dørterskelen skal ligge minimum 25 mm over topp slukrist.
Frå topp slukrist til golv/synleg membran ved dørterskelen er det målt høgdeforskjell frå 15- 19 mm. Det er registrert fall til sluk på golvet, men fall til sluk ligg under preaksepterte ytelsar i teknisk forskrift.
Det er enkelte fliser med kantsprang. Kantsprang er ikkje uvanleg på flislagte golv med fall.
Enkelte flisfuger i dusjsona er prega av slitasje, framtidig omfuging av fugene i dusjsona må kunne påreknast.
Dusjhjørnet har tett sokkel mot golvet, eventuelt lekkasjevatn og vassøl utanfor dusjsona har difor ikkje avrenning til sluken.
Varmekablane er frå byggeåret, og har oppnådd rundt av halvparten av forventa brukstid med omsyn til alder. Forventa brukstid for varmekablar er normalt rundt 50 år.
Våtrom > 4. Etasje > Bad > Sluk, membran og tettesjikt:
Membranen har oppnådd minste forventa brukstid med omsyn til alder og forventa brukstid for smøremembran. Bidèen er skrudd i golvet, bidè bør festast med lim for å unngå brudd i tettesjiktet.
Våtrom > 4. Etasje > Bad > Sanitærutstyr og innredning:
Døra på dusjhjørnet er tatt vekk.
Kjøkken > 4. Etasje > Kjøkken > Overflater og innredning:
Kjøkkenet er med standard frå byggeåret, og har naturleg elde og bruksslitasje i høve til alderen, med enkelte bruksmerker. Enkelte frontar har behov for justering.
Tekniske installasjoner > Vannledninger:
Vassrøra har oppnådd rundt halvparten av anbefalte brukstid med omsyn til alder. Anbefalte brukstid er rundt 50 år. Det er ikkje tilfredstillande endetetting på ytterrøra til kjøkkenet.
Tekniske installasjoner > Avløpsrør:
Innvendige avløpsrør har oppnådd rundt halvparten av anbefalte brukstid med omsyn til alder.
Tekniske installasjoner > Ventilasjon:
Nivå 1- og 2 på styringspanelet fungera ikkje, men anlegget hadde god funksjon på nivå 3 og 4. Årsak er ikkje kjent.
Ventilasjonsanlegget har generelt oppnådd forventa brukstid med omsyn til alder. Ventilasjonsanlegg for bustadhus har normalt ei forventa brukstid på 15-20 år.
Tekniske installasjoner > Varmtvannstank:
Varmtvasstanken har straumtilkopling via stikkontakt. Etter dagens forskrift skal varmtvasstankar på 1500W, eller meir vere direkte tilkopla til det elektriske anlegget for å hindre varmgang. Det var ikkje krav om direkte tilkopling på byggetidspunktet. Varmtvasstanken har oppnådd meir enn halvparten av forventa brukstid med omsyn til alder.
Følgende punkt har fått TG3:
Våtrom > 4. Etasje > Vaskerom > Sluk, membran og tettesjikt:
Det er sprekke i beleggskøyten mellom vaskerommet og teknisk rom, belegget kan difor ikkje forventast å vere tett i skøyten. Det er eit mindre hol i golvbelegget som er fuga, lokal utbetring må utførast for å sikre at belegget er tett. Sluken har oppnådd halvparten av minste forventa brukstid med omsyn til alder. Minste forventa brukstid for plastsluk er normalt rundt 50 år.
Samandrag frå eigenerklæringa til seljar:
- Kontroll av el-anlegg. Jordfeilbrytar løyste ikkje ut ved prøveknapp. Fekk retta av elektriker, og DLE godkjente og avslutta saka.
- Taktekking vart skifta i 2020. Sameiget hyra inn selskap til å rette.
- Det har vore mus på altan i anna leilighet.
Parkering
Parkering på sameiget si fellestomt. Umerka plassar ved bygget.
Hefter/servituttar
2020/1029447-1/200 Omnummerering ved kommuneendring
01.01.2020 00:00
1999/881-1/55 Seksjonering
23.02.1999
opprettet seksjoner:
snr: 22
formål: Bolig
sameiebrøk: 9/720
Bestemmelser om tilleggsdel, se under servitutter.
Gjelder seksjon nr.13
For øvrige opplysninger om grunndata, se den seksjonerte matrikkelenheten
Tomt
Areal: 7 329 kvm, Eigarform: Fellestomt
Regulering/offentleg godkjenning
Eigedommen ligg i område regulert til forretningsformål og sentrumsfunksjonar.
Link til reguleringsplan:
https://www.arealplaner.no/
4647/arealplaner/192
Eigedomen ligg i sentrum, ein må difor ta høgde for at omgjevnadane kan endre seg.
Veg, vatn, avlaup
Sameiget har lett tilkomst frå offentleg veg.
Frå felles inngangsparti på gateplan er det lett tilkomst via felles trapperom og heis.
Eigedomen er tilknytta kommunal vass- og avløpsanlegg via sameiget sine private stikkleidningar.
Tilkomst
Lett tilkomst frå offentleg veg. Sjå ev. kart www.finn.no, eller kontakt meklar for nærare opplysningar. Meklar vil syte for skilting ved fellesvising.
Oppvarming
- Balansert ventilasjon med varmegjenvinning.
- Panelomn i stova og på kontoret.
- Varmekablar på bad og vaskerom.
- Elles oppvarming er basert på elektrisitet.
Ferdigattest
Det føreligg mellombels bruksløyve datert 30.06.1999. Denne ligg vedlagt.
Opplysningar om sameige.
Sameie: Sameiget Storehagen Terrasse
Med eigarseksjon meinast sameigedel i bebygd eigedom med tilknytta einerett til bruk av ein av fleire bustader eller andre brukseiningar i eigedomen.
Ingen kan direkte eller indirekte erverve meir enn to bustadseksjonar i eit bustadsameige jf. eigarseksjonslova § 23. Dersom det har funne stad eit erverv som er i strid med reglane i eigarseksjonslova kan Kartverket nekte overskøyting. Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting.
Rekneskap/vedtekter
Kjøpar vert oppmoda til å setje seg inn i rekneskap, vedtekter og evt. husordensreglar. Kjøpar godkjenner som bindande for seg sameiget sine vedtekter og husordensreglar herunder evt. reglar om husdyrhald.
Godkjenning/forkjøpsrett
Overdraging av seksjon og utleige av seksjon må meldast til styret for godkjenning.
Godkjenning kan berre nektast i det einskilde tilfelle når det ligg føre sakleg grunn til det.
Legalpant
Sameige har legalpant for inntil 2G for dekking av ubetalte felleskostnader.
Utleige
Seksjonen kan leigast ut til bustadføremål.
Radonmåling
Alle som leiger ut bustad må ha gjennomført radonmåling samt leggje fram dokumentasjon på at radonnivåa er forsvarlege. Dette kravet gjeld for alle typar utleigebustader samt leilegheiter og hyblar i tilknytning til eigen bustad.
Diverse
Sjølv om det vert fastsett forbod mot dyrehald, kan brukar av seksjonen halde dyr dersom gode grunnar talar for det, og dyrehaldet ikkje er til ulempe for dei andre brukarane av eigedomen.
Forsikring
Eigedomen er forsikra gjennom sameige og vert betalt som ein del av felleskostnadane. Kjøpar må teikne innbuforsikring frå overtakingsdato.
Bustadkjøparforsikring
Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.
Finansiering
Ønskjer du rask avklaring på finansielle spørsmål kan du ta kontakt med meklar som kan sette deg i kontakt med kunderådgjevar i Sparebanken Sogn og Fjordane. Meklar mottek ikkje godtgjersle for dette.
Kvitvasking
Kjøpar og seljar pliktar å bidra til at eigedomsmeklar kan gjennomføre tilfredsstillande kundekontroll etter kvitvaskingsregelverket og må difor mellom anna legge fram gyldig legitimasjon, eigenerklæring på PEP, samt få stadfesta midlane kjem frå. Dersom eigedomsmeklar ikkje får utført slik kontroll kan ikkje eigedomsmeklar gjennomføre oppdraget/handelen. Eigedomsmeklingsføretaket skriv frå seg alt ansvar for eventuelle økonomiske krav som måtte følgje av ovannemnde høve.
Eigedomsmeklar har plikt til å gjennomføre kundekontroll. Dersom kjøpar ikkje bidreg til at eigedomsmeklar får gjennomført kundekontroll, kan ikkje eigedomsmeklar gjennomføre transaksjonen. I eit slikt tilfelle mislegheld kjøpar avtalen med seljar/oppdragsgjevar. Etter 30 dagar er misleghaldet til kjøpar vesentleg. Dette gir seljar/oppdragsgjevar rett til å heve og gjennomføre dekningssal for kjøpar si rekning.
Overtaking
Overtaking etter avtale. Legg inn ønskje om overtakingsdato ved bodgjeving.
Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.
Eigedomen vert seld etter reglane i avhendingslova
Eigedomen skal leverast til kjøpar i tråd med det som er avtala. Det er viktig at kjøpar set seg grundig inn i alle salsdokumenta, og med dette salsoppgåva, tilstandsrapport og eigenerklæringa frå seljar.
Kjøpar vert vurdert til å vere kjent med forhold som er tydeleg beskrive i salsdokumenta. Forhold som er beskrive i salsdokument kan ein ikkje gjere gjeldande ein mangel. Dette gjeld uavhengig av om kjøpar har lest dokumenta.
Alle interessentar vert oppmoda til å undersøkje eigedomen nøye, gjerne saman med fagkyndig før ein gjer bod. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga.
Dersom det er behov for avklaringar, tilrår vi at kjøpar rådfører seg med eigedomsmeklar eller ein bygningssakkyndig før det vert lagt inn bod.
Dersom eigedomen ikkje er i samsvar med det kjøparen må kunne forvente ut frå alder, type og synleg tilstand, kan det vere ein mangel. Det same gjeld dersom det er halde attende eller gjeve urette opplysningar om eigedomen. Dette gjeld likevel berre dersom ein kan gå ut frå at det har virka inn på avtalen at opplysningane ikkje var gjeve eller at feil opplysningar ikkje vart retta på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan bli avdekka enkelte forhold etter overtaking som gjer det naudsynt med utbetringar. Normal slitasje og skadar som gjer det naudsynt med utbetring, er innanfor det kjøpar må forvente og vil ikkje utgjere ein mangel.
Bustaden kan ha ein mangel dersom det er avvik mellom opplyst og faktisk areal, forutsett at avviket er på 2% eller meir og minimum 1 kvm.
Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel).
Dersom kjøper ikkje er forbrukar vert eigedomen seld "som den er", og ansvaret til seljar er då avgrensa jf. avhl. § 3-9, 1. ledd 2. pktm. Avhendingslova § 3-3 (2) vert fråviken, og vurderinga om eit arealsvikt innandørs skal karakteriserast som ein mangel vurderast etter avhendingslova § 3-8. Informasjon om undersøkingsplikta til kjøpar, med dette oppmoding om å undersøkje eigedomen nøye, gjeld også for kjøparar som ikkje vert vurdert som forbrukarar. Med forbrukarkjøp meinast kjøp av eigedom når kjøparen er ein fysisk person som ikkje hovudsakeleg handlar som ledd i næringsverksemd.
Seljar tek atterhald om å heve kjøpet sjølv om overtaking og overlevering av skøyte har funne stad, jamfør avhendingslova § 5-3 (4) og tinglysinglova § 21 (3).
Vert avtalen heva som følgje av manglande oppfylling frå kjøpar etter overtaking, vedtek kjøpar å fråvike eigedomen ved tvang i tråd med tvangsfullbyrdingslova § 13-2.
Innhald
Leilegheita ligg i 4. etasje, strekk seg over eit plan og inneheld:
Stove, soverom, kjøkken, bad, vaskerom, kontor og 2 boder. Den eine boda er inne i leilegheita medan den andre boda er i same etasje.
Bustadseljarforsikring
Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei begrensingane som følgjar av forsikringsvilkåra og er begrensa til salssummen til eigedomen, dog oppad begrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgjeving/kjøp. Bustadseljarforsikringa syt for at kjøpar kan halde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.
Forretningsførar/rekneskapsførar
Energimerking
Oppvarmingskarakter Rød - Energikarakter D