Eigedom
Fjordavegen 2509
6817 Naustdal
Standard
Lys og trivelig stove med fleire sittesoner. Her er det store vindu, som slipper inn mykje lys og ein har nydelig utsikt mot blant anna Førdefjorden.
Ein vedomn er fint plassert i stova, som både gir god stemning og varme til rommet. I tillegg blei det i 2023 montert ei varmepumpe i stova.
Kjøkken med kjøkkeninnreiing frå IKEA frå 2013. Her er det godt med skapplass. Kjøkkenet har integrert induksjonstopp, steikeomn og mikrobølgomn. Frittståande oppvaskmaskin og kjøleskap. Det er tilrettelagt for tre sitteplassar med benkeplata på kjøkkenet.
Badet har malte fliser på golv, og malte fliser/panel på vegg. Badet er innreiia med toalett, dusj og baderomsinnreiing med skuffer og eit høgskap. Baderomsinnreiinga blei skifta i 2023.
Det er to soverom i hovudetasjen. Hovudsoverommet er av god storleik. Det andre soverommet er perfekt som barnerom eller gjesterom.
Frå entreen er det trapp ned til underetasjen.
Her kjem ein ned til ein romsleg gang med skyvedørsgarderobe med oppbevaringsplass.
Innhaldsrikt vaskerom/bad med dusj, toalett, baderomsinnreiing og opplegg til vaskemaskin og tørketrommel. Her er det vinylbelegg på golv og baderomsplater på vegg.
Praktisk kjellarstove, med god plass til sofakrok.
Det er eit soverom i underetasjen, også dette av god storleik. Her står det eit garderobeskap.
Romsleg gang med ytterdør ut til terreng.
I tillegg er det to boder i underetasjen, så her har ein godt med oppbevaringsplass. Det er også godt med oppbevaringsplass på mørkeloft.
Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.
Byggjemåte
Grunnmur av betongholstein med malte murpussa overflater, og delvis med utfora og kledde veggar innvendig. Golv mot grunn av betong, delvis med tilfarargolv/oppfora golv.
Etasjeskille av trebjelkelag. Ytterveggar av bindingsverk med utvendig kledning av malt trepanel.
Takkonstruksjon med saltakform med kaldloft, oppbygd av plassbygd trekonstruksjon. Taktekking av eternittplater og undertak av panel. Takrenner og taknedløp av plast.
Vindauge med malte trekarmar med 2-lags glas.
Inngangsdør i underetasjen med malte overflater med 2-lags glas.
Inngangsdør i 1. etasje i malt treverk med enkelt glas.
Frå uteområdet og vindfanget i 1. etasje er det tilkomst til treterrasse med dekke av beisa terrassebord, ca. 34m2.
Ventilvifte i våtromma og ventilator i kjøkkenet, ventilasjonen er elles basert på naturleg ventilering.
Sentralstøvsugar er installert.
Synlege avløpsrøyr er av plast.
Vassrøyr med røyr-i-røyr system.
Varmtvasstank på 152 liter er installert i skyvedørsgarderobe i hallen i underetasjen.
Utvendig hagekran.
Elektrisk anlegg med open og skjult installasjon og sikringsskap med utomatsikringar.
Belysning med led-downlights i kjøkkenet.
Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Ole Andrè Roska, datert 23.05.2024, der enkelte bygningselementer har oppnådd tilstandsgrad 2 (TG2) og tilstandsgrad 3 (TG3). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova.
Følgande punkt har fått TG3 (store eller alvorlege avvik):
- Taktekkinga er med standard frå byggeåret og er generelt slitt. Ved skorsteinen er det eit lokalt område med fukt og råteskade i undertaket. Elles er det enkelte eldre fuktmerker i undertaket, men det vart ikkje registrert fukt i andre områder i undertaket. Eternitt er eit asbesthaldig materiale og må handterast som spesialavfall ved utskiftning.
Kostnadsestimat: kr. 100 000 - 300 000
-Ved skorsteinen er det område med fukt i takkonstruksjonen som følgje av inntrenging av vatn rundt skorsteinen. Elles er det enkelte eldre fuktmerker i takkonstruksjonen, men det vart ikkje registrert fukt andre stadar i konstruksjonen under synfaringa. Takkonstruksjonen har redusert ventilering.
Det er synleg ekskrement etter mus i kaldloftet.
Det er registrert symptom på at det har vore mott i takkonstruksjonen, men det er ikkje kjennskap til om det er aktiv mott i konstruksjonen per i dag.
Kostnadsestimat: Ingen umiddelbar kostnad
- Tilfarargolv/oppfora golv mot grunn er generelt å rekne som risikokonstruksjon med omsyn til eventuell fukttransport i konstruksjonen.
Innvendig påforing av grunnmurar i eldre bygningar er generelt å rekne som risikokonstruksjonar med omsyn til eventuell fukttransport som følgje av naturleg svekka dreneringsfunksjon.
Ved holtaking og fuktmåling i innvendig utforing i eine boda i underetasjen vart det registrert fukt i treverket i utforinga på grunnmuren. Det er ikkje kjennskap til eventuelle følgjeskader i
konstruksjonen, utvida kontroll må utførast. Det er registrert flekkvise områder med saltutslag i grunnmuren, og i innvendig berevegg av murkonstruksjon som følgje av fukttransport i
konstrukjsonen.
Kostnadsestimat: kr. 10 000 - 50 000
- Forstøtningsmuren er ikkje sikre med rekkverker/gjerde, eller anna forsvarleg anordning, men skulle vore sikra med omsyn til høgde på over 50 cm. Det er og nivåskilnad i hagen som burde vore sikra med rekkverk/gjerde, eller anna forsvarleg anordning.
Kostnadsestimat: kr. 10 000 - 50 000
Følgande punkt har fått TG2 (avvik som kan kreve tiltak):
- Meir enn halvparten av forventa brukstid for takrenner, taknedløp og takhatt er oppnådd med omsyn til alder og forventa brukstid. Det er ikkje stigetrinn på taket for utvendig tilkomst til skorsteinen.
- Utvendig kledning har redusert ventilering og vil med omsyn til redusert ventilering ha eit auka vedlikehaldsbehov. Det er registrert flekkvis råteskade i utvendig kledning.
- Vindua frå 1965 og 1979 har generelt oppnådd forventa brukstid med omsyn til alder og forventa brukstid for vindu med 2-lags glas, utskiftning må påreknast. Vindua frå 2000 har oppnådd meir enn halvparten av forventa brukstid med omsyn til alder og forventa brukstid for vindu med 2-lags glas. Del av vindua har behov for utvendig vedlikehald med
overflatebehandling.
Det er synleg teikn på innvendig kondensering på enkelte glas.
Enkelte vindu tar lett i karmen, justering må påreknast.
Vindu med 2-lags glas produsert før 1985 kan innehalde ulike miljøgifter og må behandlast som spesialavfall ved utskiftning.
Duken til markisa er slitt.
- Det er sprekk i eine glaset i døra, og det er symptom på mott i utvendig foring. Døra har elles behov for vedlikehald med overflatebehandling.
- Terrasseborda har behov for vedlikehald med overflatebehandling. Leveggen er ikkje tilstrekkeleg festa, og har behov for vedlikehald med overflatebehandling.
- Det er ikkje handløparar i trappa, etter dagens forskrift skal det vere handløpar på begge sider i trappeløpet.
- Innvendige overflater er av varierande alder, og har naturleg elde og bruksslitasje i høve til alderen.
- I underetasjen er det målt høgdeforskjell i golvet på 12 mm over ein avstand på 2 meter.
- Det er ikkje framlagt radonmåling, og bygningen er ikkje utført med radonsperre mot grunnen.
- Det er enkelte riss/sprekker i murpussa overflate på skorsteinen.
- Innvendig trapp er uten handløpar. Etter dagens forskrift skal det vere handløparar på begge sidene i trappeløpet. Det er opning på over 10 cm mellom trappetrinna. Etter dagens forskrift
skal det maks vere opning på 10 cm mellom trappetrinna med omsyn til barnesikring. Trappa er bratt, og del av trappa har låg frihøgde.
- Dørene er av varierande alder, og eldre dører er naturleg prega av elde og slitasje.
- Vinduet i dusjsona i bad hovudetasje er ikkje utført med fuktbestandig materiale, og må difor takast bruksmessig omsyn til ved dusjing. I del av våtsona er det overflater med malt panel. Malt panel er ikkje eigna materiale i våtsona, og må takast bruksmessig omsyn til.
- Det er registrert bom i liminga på enkelte golvfliser, men det er ikkje registrert lause fliser. I dusjsona er det avflassing av maling på enkelte golvfliser. Golvet har ikkje tilfredstillande fall til sluk, og det er registrert motfall ved eine døra. Det er påvist at høgdeforskjell frå topp slukrist til golv/synleg membran ved dørterskel er under 25 mm. Golv/synleg membran ved dørterskellen
skal minimum ligge 25 mm over topp slukrist.
- Membranen har oppnådd rundt minste forventa brukstid med omsyn til alder og forventa brukstid for smøremembran, framtidig oppgradering av våtrommet må difor kunne påreknast. Minste forventa brukstid for smøremembran er rundt 25 år. Klosettet er skrudd i golvet, golvklosett bør festast med lim for å unngå brudd i tettesjiktet.
Sluken har oppnådd rundt halvparten av anbefalte brukstid med omsyn til alder. Anbefalte brukstid for plastsluk er normalt rundt 50 år.
- Badet har ikkje tilstrekkeleg tilluft.
- Det er plast bak platene i badet, det skal ikkje vere plast bak veggplatene i badet med omsyn til at ein då får to tette sjikt.
- Det er påvist at høgdeforskjell frå topp slukrist til golv/synleg membran ved dørterskel i bad/vaskerom i underetasje er under 25 mm. Golv/synleg membran ved dørterskelen skal ligge minimum 25 mm over topp slukrist. Frå topp slukrist til golv/synleg membran ved dørterskelen er det målt høgdeforskjell frå 22- 25 mm.
Slukflensen er ikkje nedsenka i golvet, og det vil med omsyn til dette samle seg vat rundt sluken.
- Det er ein mindre bulk i oppvaskmaskina. Oppvaskmaskina er i dagleg bruk, men brytarpanelet er skada. Kjøkkenet har elles naturleg elde og bruksslitasje i høve til alderen.
- Det er sluk i golvet i hallen, men ved eventuell lekkasje vil det kunne oppstå skade på overflater og tilliggande konstruksjon som følgje av manglande vasstett sjikt på golvet og i overgangen golv/vegg.
- Innvendige avløpsrør er av varierande alder, og del av røra har oppnådd meir enn halvparten av anbefalte brukstid med omsyn til alder.
- I kaldloftet er det synleg ventilasjonskanal av eternitt. Eternitt er eit asbesthaldig materiale som må handterast som spesialavfall ved utskiftning.
- Varmtvasstanken har oppnådd meir enn halvparten av forventa brukstid med omsyn til alder. Med omsyn til at varmtvasstanken er installert i skyvedørsgarderobe i hallen, og sluken er i andre enden av rommet bør det installerast automatisk lekkasjestoppar.
- Elektrisk anlegg er ikkje kontrollert i tilstandsrapporten, kontroll av godkjent elektroinstallatør er anbefalt. TG2 er sett med omsyn til at det ikkje er framlagt kontroll av det elektriske anlegget
utført i løpet av dei fem siste åra.
- Det er registrert ein del riss i murpussa overflater på grunnmuren, og lokalt område med avskalling av murpuss.
- Omsynssone: Snøskred.
TG2 er sett med omsyn til at tomta ligg innafor omsynssona som er registrert i NVE sine temakart.
- Utvendige leidningar for vatn og avløp ligg skjult og er difor ikkje kontrollert, men er vurdert til TG2 basert på antatt alder, materiale og anbefalte brukstid.
- Slamavskiljaren støttar ikkje dagens krav. Det er ikkje registrert merknad på mintank.no, eller opplyst om pålegg på utbetring.
Samandrag frå eigenerklæringa til seljar:
- Bad 2. etasje pussa opp 2000 ca. ved Eikefjord Rør, NBN Elektro, egeninnsats /dugnad.
- Bad kjellar pussa opp 2018/2019 ved Reiakvam Rørservice, NBN Elektro, egeninnsats /dugnad
- Har vore innslag av maur på vårparten av året, enkelt individ, brukt maurmiddel og åte stasjon.
- Har vore utført el-arbeid på kjøkken, bad og sikringsskåp. Arbeid utført av NBN Elektro.
- Utført el-kontroll ca. i 2013.
- Skifta kledning og terrasse av tidlegare eigar.
Parkering
Hefte/servituttar
Heftelser
1966/275-3/55 Bestemmelse om gjerde
01.02.1966
Grunndata
1966/275-1/55 Registrering av grunn
01.02.1966
Denne matrikkelenhet opprettet fra:Knr:4647 Gnr:426 Bnr:3
2020/291052-1/200 Omnummerering ved kommuneendring
01.01.2020 00:00
Rettigheter på andre eiendommer
Rettigheter på 4647-426/3
Rettigheter i eiendomsrett
1966/275-2/55 Bestemmelse om vannrett
01.02.1966
rettighetshaver:Knr:4647 Gnr:426 Bnr:6
Tomt
Areal: 1 379 kvm, Eierform: Eiet tomt
Tomta er normalt opparbeidd med asfaltert tun, støttemur av betong, betongtrapp, treterrasse, bed, og hage med grøntareal med plantar.
Asfalten på tunet er slitt.
Regulering/offentleg godkjenning
Eigedommen ligg i eit LNF-område med arealbruksstatus noverande.
Eigedomen ligg innafor omssynsona for snøskred registert i NVE sine temakart.
"Omsynssone" betyr at det er naudsynt å vise at ein skal vere merksam mot potensiell fare, men det er ikkje noko som seier at det er ein reell fare. Ved at eigedommen er lagt inn i ei omsynssone i kommuneplanen sin arealdel betyr det at ein framtidig arealplan inanfor området vil måtte ta høgde for dette, og at fagkyndig person må utføre ei fagleg vurdering opp mot den akutelle omsynsona (t.d. skred og rasfare) før kommunen kan godkjenne ein plan. Omsynssonene er maskinelt produsert av NVE og det er ikkje tatt høgde for lokale forhold eller vurdering av fagperson.
Veg, vatn, avlaup
Offentleg veg til tomtegrensa.
Eigedommen har privat borehol for vatn og privat slamavskiljar.
Kommuen opplyser at grunna størleiken på septiktanken må ein må ha årleg tømming.
Tilkomst
Lett tilkomst frå offentleg veg. Sjå ev. kart finn.no, eller kontakt meklar for nærare opplysningar. Meklar vil syte for skilting ved fellesvising.
Oppvarming
- Vedomn i stova
- Varmepumpe i stova
- Varmekabel i bad og bad/vaskerom
- Anna oppvarming er basert på elektriske varmeomnar
Ferdigattest
Det ligg ikkje føre ferdigattest/mellombels bruksløyve truleg grunna alder. Søknadspliktige tiltak skal avsluttast med ferdigattest, men dette utstedast ikkje for tiltak det er søkt om før 1998, jf Plan- og bygningslova § 21-10 5. ledd.
Eventuelle lovstridige byggetiltak vil ikkje vere automatisk godkjent i dette tilfellet, og teikningar som er lagt til grunn for byggetiltak ved søknaden er dei som framleis gjelder. Det er noverande eigar av bygget som er ansvarleg for at bygget er utført i tråd med løyvet.
Ny eigar tek over risikoen for at bygget er i tråd med løyvet.
Meklar har ikkje motteke godkjente teikningar frå Sunnfjord kommune for bustadhuset.
Konsesjon
Eigedomen er ikkje konsesjonspliktig.
Utleige
Bustaden kan leigast ut til bustadføremål.
Radonmåling
Alle som leiger ut bustad må ha gjennomført radonmåling samt leggje fram dokumentasjon på at radonnivåa er forsvarlege. Dette kravet gjeld for alle typar utleigebustader samt leilegheiter og hyblar i tilknytning til eigen bustad.
Bustadseljarforsikring
Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei begrensingane som følgjar av forsikringsvilkåra og er begrensa til salssummen til eigedomen, dog oppad begrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgjeving/kjøp. Bustadseljarforsikringa syt for at kjøpar kan halde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.
Bustadkjøparforsikring
Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.
Finansiering
Ønskjer du rask avklaring på finansielle spørsmål kan du ta kontakt med meklar som kan sette deg i kontakt med kunderådgjevar i Sparebanken Sogn og Fjordane. Meklar mottek ikkje godtgjersle for dette.
Kvitvasking
Kjøpar og seljar pliktar å bidra til at eigedomsmeklar kan gjennomføre tilfredsstillande kundekontroll etter kvitvaskingsregelverket og må difor mellom anna legge fram gyldig legitimasjon, eigenerklæring på PEP, samt få stadfesta midlane kjem frå. Dersom eigedomsmeklar ikkje får utført slik kontroll kan ikkje eigedomsmeklar gjennomføre oppdraget/handelen. Eigedomsmeklingsføretaket skriv frå seg alt ansvar for eventuelle økonomiske krav som måtte følgje av ovannemnde høve.
Eigedomsmeklar har plikt til å gjennomføre kundekontroll. Dersom kjøpar ikkje bidreg til at eigedomsmeklar får gjennomført kundekontroll, kan ikkje eigedomsmeklar gjennomføre transaksjonen. I eit slikt tilfelle mislegheld kjøpar avtalen med seljar/oppdragsgjevar. Etter 30 dagar er misleghaldet til kjøpar vesentleg. Dette gir seljar/oppdragsgjevar rett til å heve og gjennomføre dekningssal for kjøpar si rekning.
Overtaking
Overtaking etter avtale. Legg inn ønskje om overtakingsdato ved bodgjeving.
Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.
Eigedomen vert seld etter reglane i avhendingslova
Eigedomen skal leverast til kjøpar i tråd med det som er avtala. Det er viktig at kjøpar set seg grundig inn i alle salsdokumenta, og med dette salsoppgåva, tilstandsrapport og eigenerklæringa frå seljar.
Kjøpar vert vurdert til å vere kjent med forhold som er tydeleg beskrive i salsdokumenta. Forhold som er beskrive i salsdokument kan ein ikkje gjere gjeldande ein mangel. Dette gjeld uavhengig av om kjøpar har lest dokumenta.
Alle interessentar vert oppmoda til å undersøkje eigedomen nøye, gjerne saman med fagkyndig før ein gjer bod. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga.
Dersom det er behov for avklaringar, tilrår vi at kjøpar rådfører seg med eigedomsmeklar eller ein bygningssakkyndig før det vert lagt inn bod.
Dersom eigedomen ikkje er i samsvar med det kjøparen må kunne forvente ut frå alder, type og synleg tilstand, kan det vere ein mangel. Det same gjeld dersom det er halde attende eller gjeve urette opplysningar om eigedomen. Dette gjeld likevel berre dersom ein kan gå ut frå at det har virka inn på avtalen at opplysningane ikkje var gjeve eller at feil opplysningar ikkje vart retta på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan bli avdekka enkelte forhold etter overtaking som gjer det naudsynt med utbetringar. Normal slitasje og skadar som gjer det naudsynt med utbetring, er innanfor det kjøpar må forvente og vil ikkje utgjere ein mangel.
Bustaden kan ha ein mangel dersom det er avvik mellom opplyst og faktisk areal, forutsett at avviket er på 2% eller meir og minimum 1 kvm.
Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel).
Dersom kjøper ikkje er forbrukar vert eigedomen seld "som den er", og ansvaret til seljar er då avgrensa jf. avhl. § 3-9, 1. ledd 2. pktm. Avhendingslova § 3-3 (2) vert fråviken, og vurderinga om eit arealsvikt innandørs skal karakteriserast som ein mangel vurderast etter avhendingslova § 3-8. Informasjon om undersøkingsplikta til kjøpar, med dette oppmoding om å undersøkje eigedomen nøye, gjeld også for kjøparar som ikkje vert vurdert som forbrukarar. Med forbrukarkjøp meinast kjøp av eigedom når kjøparen er ein fysisk person som ikkje hovudsakeleg handlar som ledd i næringsverksemd.
Seljar tek atterhald om å heve kjøpet sjølv om overtaking og overlevering av skøyte har funne stad, jamfør avhendingslova § 5-3 (4) og tinglysinglova § 21 (3).
Vert avtalen heva som følgje av manglande oppfylling frå kjøpar etter overtaking, vedtek kjøpar å fråvike eigedomen ved tvang i tråd med tvangsfullbyrdingslova § 13-2.
Energimerking
Oppvarmingskarakter Gul - Energikarakter F
Innhald
Bustaden går over to plan med følgande innhald:
Hovudetasje: Vindfang, stove, kjøkken, to soverom og bad.
Underetasje: Vindfang, hall m/trapp, stove, soverom, bad/vaskerom og to boder.
Diverse
Stova i underetasjen har dagslysflate under anbefalte krav i byggteknisk forskrift. I underetasjen er etasjehøgda målt frå 2,165 meter til 2,197 meter. Etter dagens byggtekniske forskrift skal rom for varig opphold ha etasjehøgde på minimum 2,4 meter, og rom som ikkje er for varig opphold skal ha etasjehøgde på minimum 2,2 meter.