Eigedom
Standard
Leilegheita blei i 2018 påbygd med ein ny etasje, i samband med eit større renoveringprosjekt i burettslaget. I tillegg er det gjort noko moderniseringar i 1.etasje med blant anna entrè med trapp til 2.etasje, og nye golv i gang, kjøkken og stove.
Hyggeleg stove med laminatgolv, malt strie/panel på vegg og plater i tak. Ein vedomn er fint plassert i stova, i tillegg er det varmepumpe. Utgang til terrasse frå stova.
Delvis opent til kjøkkenet, her er det god plass til spisebord. Innreiinga i kjøkkenet er brukartilpassa og benkeplata og overskapa er difor lågare enn anbefalte høgder for kjøkkeninnreiing. Kjøkkenet har kvite, slette frontar og laminatbenkeplate.
Badet har flislagt golv, vegghengd klosett, servant i underskåp med spegel og dusjhjørne.
Husværet har per tidspunkt tre soverom; to i underetasjen og eit i overetasjen. I tillegg er det eit uinnreidd loftsrom i 2.etasje.
To boder i 1 etasje, i tillegg er det ein utvendig sportsbod
Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.
Byggjemåte
Ringmur av betong og isolerte ringmurselement utstøypt med betong. Golv mot grunnen av betong. Etasjeskille av tredekke.
Ytterveggar av bindingsverk med utvendig kledning av malt trepanel.
Takkonstruksjon med saltakform oppbygd av sperrekonstruksjon med undertak av trefiberplater. Taktekking av betongtakstein. Takrenner, nedløp, stigetrinn og snøfangar av lakkert metall.
Vindauge med malte trekarmar og 2-lags glas.
Takvindauge med malte trekarmar og 2-lags glas.
Ytterdør med malte overflater og 2-lags glas.
Altandør av treverk med malte overflater og 2- lags glas.
Frå stova er det utgang til treterrasse, ca 16m2. Platting/rampe av treverk ved inngangspartiet.
Ventilasjonen i loftet er basert på naturleg ventilering.
Sanitæranlegg med røyr-i-røyr system og avløpsrøyr av plast.
Varmtvasstank på ca 120 liter plassert i eit benkeskap i kjøkkeninnreiinga.
Elektrisk anlegg med det meste som skjult installasjon.
Sikringsskap med skrusikringar.
Røykvarslarar og brannslokkar er installert.
Sportsbod:
Golv mot grunnen av betong.
Ringmur av betong.
Ytterveggar av bindingsverk med utvendig kledning av malt trepanel.
Skilleveggar mot naboboda og carporten med trefiberplater.
Takkonstruksjon med pultakform oppbygd av sperrekonstruksjon Taktekking av betongtakstein.
Ytterdør med malte overflater.
El.anlegg er installert.
Carport:
Dekke av asfalt.
Ringmur av betong.
Ytterveggar av bindingsverk med utvendig kledning av malt trepanel.
Takkonstruksjon med saltakform, oppbygd av w-takstolar. Taktekking av betongtakstein.
Takrenner og nedløp av lakkert metall.
El.anlegg er installert.
Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Ole Christian Åsen datert 31.05.2024, der enkelte bygningselementer har oppnådd tilstandsgrad 2 (TG2) og tilstandsgrad 3 (TG3). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova.
Følgande punkt har fått TG3 (store eller alvorlege avvik):
- Under synfaringa vart registrert feilmelding i styrepanelet for ventilasjonsanlegget og anlegget var ikkje i drift. Kondens og fuktskade vil difor kunne oppstå.
Romma i loftet er ikkje tilknytta balansert ventilasjonsanlegg og har berre naturleg ventilering via opningsvindu.
TG3 er sett med omsyn til at ventilasjonssystemet ikkje fungerte under synfaringa.
Kostnadsestimat: kr. 10 000 - 50 000
Følgande punkt har fått TG2 (avvik som kan kreve tiltak):
- Nedste glaslista på eit vindu i stova er laust. Enkelte vindu tar i karmen.
Det er malingsflekkar på ei glasrute i eit soverom.
Nokre av vindauga i hovudetasje har slitt overflatebehandling.
- Nokre av terrasseborda er vridde og lause. Terrasseborda har svertesopp og slitt overflatebehandling
- Det ikkje er framlagt vedlikehaldsplan for felles bygningsdelar.
- Del av overflatene som ikkje vart modernisert i 2018 har naturleg elde og bruksslitasje.
- Rom i lotfetasjen er ikkje ferdigstilt.
- Knirk i laminatgolvet i stova.
Det er registrert høgdeavvik på 21mm gjennom heile rommet i soverommet på loftet.
Det er registrert høgdeavvik på 15mm gjennom heile rommet i uinnreia loftsrom.
TG er sett med omsyn til standarden sine toleransekrav.
- Det er ikkje framlagt dokumentasjon på at bygningen er utført med radonsperre og det er ikkje kjent om det er utført radonmålingar.
- Nokre av dørene tar i karmen. Dørene frå byggjeåret har naturleg elde og slitasje.
- Golvet i bad/vaskerom tilfredstiller ikkje kravet til nivåskilnad på minimum 25 mm frå topp slukrist til topp membran ved dør. Nivåskilnaden er målt til ca 18mm. Det er ikkje synleg membranoppkant ved terskelen. Sluken ligg ikkje sentrert under nedslagsfeltet for dusjen.
- Det er synleg mansjett langs klemringen, men ikkje synleg smørjemembran ved sluken. Det er ikkje lagt fram dokumentasjon på oppbygginga av tettesjiktet.
- Innreiinga i kjøkkenet er brukartilpassa og benkeplata og overskapa er difor lågare enn anbefalte høgder for kjøkkeninnreiing. Del av benkebeslaget og del av benkeplata er ikkje festa i benkeskapa. Hakk i benkeplata ved benkebeslaget. Sokkelfronten er skadd i eit hjørne. Innreiinga har naturleg elde og slitasje.
Det er registrert museekskrement i benkeskapet for varmtvasstanken.
- Irr på rørkoplingane og samlestokkane i fordelarskapet. Irr på rørkoplingane til blandebatteriet på servanten i badet.
Det manglar siklemikk på dreneringa frå rørskapet under baderomsinnreiinga.
- Avløpsanlegget er utført med lufting via vakuumventil i eit kott på loftet. Lufting skal etter dagens føreskrifter førast ut over taket. Det manglar mansjett på veggjennomføringa for avløpsrøret frå servanten i badet.
Avløpsrøyra frå byggjeåret har oppnådd over halvparten av forventa brukstid.
- Varmtvasstanken har oppnådd normal brukstid.
- Det manglar deksel på lysarmaturen under overskapa i kjøkkenet.
Del av kabelskinna ved kjøkkeninnreiinga er fjerna og ein veggkontakt i stova er laus.
TG2 er sett med omsyn til at det ikkje er framlagt dokumentasjon på utført kontroll av det elektriske anlegget dei siste fem åra.
Samandrag frå eigenerklæringa til seljar:
Seljar har ikkje bebudd eigedommen og har derfor ikkje spesifikk kunnskap om den. Det kan derfor vere skadar og andre forhold ved eigedommen som ikkje er spesifikt opplyst om. Kjøpar blir oppfordra til å foreta ei grundig undersøking av eigedommen, gjerne med bistand av teknisk sakkyndig.
Parkering
Hefte/servituttar
Grunndata
1982/7631-1/55 Registrering av grunn
20.12.1982
Denne matrikkelenhet opprettet fra:Knr:4647 Gnr:21 Bnr:444
2020/1796450-1/200 Omnummerering ved kommuneendring
01.01.2020 00:00
Tomt
Areal: 6 631 kvm, Eierform: Fellestomt
Felles tomteareal er opparbeidd med asfalterte tilkomstvegar/gangvegar, leikeplass og grøntareal med plantar.
Arealet som ligg inntil leilegheita er opparbeida med eit mindre inngjerda grøntareal mot sør.
Regulering/offentleg godkjenning
Veg, vatn, avlaup
Offentleg veg til burettslaget sitt fellesareal.
Eigedommen er tilknytta kommunalt vass- og avløpsanlegg via burettslaget sine private stikkleidningar.
Tilkomst
Lett tilkomst frå offentleg veg. Sjå ev. kart www.finn.no, eller kontakt meklar for nærare opplysningar. Meklar vil syte for skilting ved fellesvising.
Oppvarming
- Peisomn i stova.
- Luft til luft varmepumpe i stova.
- Varmekablar i gangen hovudetasje og i bad/vaskerom.
- Balansert ventilasjonsanlegg med varmegjenvinning i 1 etg.
Ferdigattest
Det føreligg mellombels bruksløyve datert 29.06.1983, ferdigattest for carport datert 17.12.2018 og ferdigattest for bruksendring av deler av loft datert 11.06.2024. Desse ligg vedlagt.
Det føreligg teikningar, men det er avvik frå disse. Trappa til loftet er flytta til ytterveggen og ein vegg mellom gang og stove/kjøkken er fjerna.
Opplysningar om burettslaget
Borettslag: Flata borettslag a/l, Orgnr.: 952720422
Andelsnr.: 15
Andel fellesgjeld: 701357, Total gjeld: 16959036, Oppdatert pr: 23.04.2024
Burettslaget si fellesgjeld:
Bank: Husbanken
Lånenr.: 135643724
Lånebeskrivelse: Husbanken, Rehabilitering
Lånetype: Annuitetslån
Rentesats: 4,50%
Andel av saldo 701 357,48 Innfrielsesdato: 01.04.2049
Årsmelding/vedtekter
Kjøpar vert oppmoda til å setje seg inn i årsmelding, rekneskap, vedtekter og husordensreglar. Kjøpar godkjenner som bindande for seg burettslaget sine vedtekter og husordensreglar herunder evt. reglar om husdyrhald.
Forretningsførar
Forkjøpsrett
Medlemmane i BOB har forkjøpsrett til andelen på elles like vilkår. Når seljar har akseptert eit bod vert forkjøpsretten lyst ut til medlemmane i BOB med ca 10-12 dagars frist for forkjøpsrettshavarar til å tre inn i avtalen.
Godkjenning
Kjøpar skal godkjennast av styret i burettslaget. Dette kan ikkje nektast utan sakleg grunn. Kjøpar pliktar å gjennomføre handelen uavhengig av om kjøpar på overtakingstidspunktet er godkjent av burettslaget som ny eigar av andelen. Risikoen for å bli godkjent som ny eigar av andelen kviler på kjøpar. Dersom kjøpar på overtakingstidspunktet ikkje er godkjent som ny andelseigar, har kjøpar ikkje rett til å ta eigedomen i bruk, jf. burettslagslova § 4-5 (2). Blir kjøpar ikkje godkjent som ny eigar må kjøpar syte for vidaresal av andelen. Heimel vert overført til kjøpar og oppgjer vert utbetalt til seljar.
Sikringsfond/legalpant
Selskapet er knytt til ei sikringsordning som gir ei sikkerheit for manglande innbetaling av felleskostnader. Tilbydar av sikringsordninga er: Klare Finans AS, www.klarefinans.no
Vi gjer merksamt på at burettslaget har legalpant for forfalle felleskostnader. Pantet er avgrensa oppad til 2G (G er Folketrygda sitt Grunnbeløp)
Utleige
Det vert vist til brl§ 5-3 der det går fram at eigar av ein andel ikkje utan samtykke frå styret kan overlate bruken av bustaden til andre utover det som følgjer av brl.§ 5-4 til 5-6. Det vert elles vis til vedtektene i burettslaget.
Radonmåling
Alle som leiger ut bustad må ha gjennomført radonmåling samt leggje fram dokumentasjon på at radonnivåa er forsvarlege. Dette kravet gjeld for alle typar utleigebustader samt leilegheiter og hyblar i tilknytning til eigen bustad.
Bustadkjøparforsikring
Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.
Finansiering
Ønskjer du rask avklaring på finansielle spørsmål kan du ta kontakt med meklar som kan sette deg i kontakt med kunderådgjevar i Sparebanken Sogn og Fjordane. Meklar mottek ikkje godtgjersle for dette.
Kvitvasking
Kjøpar og seljar pliktar å bidra til at eigedomsmeklar kan gjennomføre tilfredsstillande kundekontroll etter kvitvaskingsregelverket og må difor mellom anna legge fram gyldig legitimasjon, eigenerklæring på PEP, samt få stadfesta midlane kjem frå. Dersom eigedomsmeklar ikkje får utført slik kontroll kan ikkje eigedomsmeklar gjennomføre oppdraget/handelen. Eigedomsmeklingsføretaket skriv frå seg alt ansvar for eventuelle økonomiske krav som måtte følgje av ovannemnde høve.
Eigedomsmeklar har plikt til å gjennomføre kundekontroll. Dersom kjøpar ikkje bidreg til at eigedomsmeklar får gjennomført kundekontroll, kan ikkje eigedomsmeklar gjennomføre transaksjonen. I eit slikt tilfelle mislegheld kjøpar avtalen med seljar/oppdragsgjevar. Etter 30 dagar er misleghaldet til kjøpar vesentleg. Dette gir seljar/oppdragsgjevar rett til å heve og gjennomføre dekningssal for kjøpar si rekning.
Overtaking
Overtaking etter avtale. Legg inn ønskje om overtakingsdato ved bodgjeving.
Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.
Eigedomen vert seld etter reglane i avhendingslova
Eigedomen skal leverast til kjøpar i tråd med det som er avtala. Det er viktig at kjøpar set seg grundig inn i alle salsdokumenta, og med dette salsoppgåva, tilstandsrapport og eigenerklæringa frå seljar.
Kjøpar vert vurdert til å vere kjent med forhold som er tydeleg beskrive i salsdokumenta. Forhold som er beskrive i salsdokument kan ein ikkje gjere gjeldande ein mangel. Dette gjeld uavhengig av om kjøpar har lest dokumenta.
Alle interessentar vert oppmoda til å undersøkje eigedomen nøye, gjerne saman med fagkyndig før ein gjer bod. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga.
Dersom det er behov for avklaringar, tilrår vi at kjøpar rådfører seg med eigedomsmeklar eller ein bygningssakkyndig før det vert lagt inn bod.
Dersom eigedomen ikkje er i samsvar med det kjøparen må kunne forvente ut frå alder, type og synleg tilstand, kan det vere ein mangel. Det same gjeld dersom det er halde attende eller gjeve urette opplysningar om eigedomen. Dette gjeld likevel berre dersom ein kan gå ut frå at det har virka inn på avtalen at opplysningane ikkje var gjeve eller at feil opplysningar ikkje vart retta på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan bli avdekka enkelte forhold etter overtaking som gjer det naudsynt med utbetringar. Normal slitasje og skadar som gjer det naudsynt med utbetring, er innanfor det kjøpar må forvente og vil ikkje utgjere ein mangel.
Bustaden kan ha ein mangel dersom det er avvik mellom opplyst og faktisk areal, forutsett at avviket er på 2% eller meir og minimum 1 kvm.
Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel).
Dersom kjøper ikkje er forbrukar vert eigedomen seld "som den er", og ansvaret til seljar er då avgrensa jf. avhl. § 3-9, 1. ledd 2. pktm. Avhendingslova § 3-3 (2) vert fråviken, og vurderinga om eit arealsvikt innandørs skal karakteriserast som ein mangel vurderast etter avhendingslova § 3-8. Informasjon om undersøkingsplikta til kjøpar, med dette oppmoding om å undersøkje eigedomen nøye, gjeld også for kjøparar som ikkje vert vurdert som forbrukarar. Med forbrukarkjøp meinast kjøp av eigedom når kjøparen er ein fysisk person som ikkje hovudsakeleg handlar som ledd i næringsverksemd.
Seljar tek atterhald om å heve kjøpet sjølv om overtaking og overlevering av skøyte har funne stad, jamfør avhendingslova § 5-3 (4) og tinglysinglova § 21 (3).
Vert avtalen heva som følgje av manglande oppfylling frå kjøpar etter overtaking, vedtek kjøpar å fråvike eigedomen ved tvang i tråd med tvangsfullbyrdingslova § 13-2.
Bustadseljarforsikring
Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei begrensingane som følgjar av forsikringsvilkåra og er begrensa til salssummen til eigedomen, dog oppad begrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgjeving/kjøp. Bustadseljarforsikringa syt for at kjøpar kan halde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.
Innhald
Bustaden går over to plan med følgande innhald:
Hovudetasje: Hall m/trapp, stove/kjøkken, bad/vaskerom, to soverom og to boder.
Loftetasje: Gang m/trapp, soverom og uinnreia loftsrom (tilleggsdel).
I tillegg sportsbod i fellesarealet.
Energimerking
Oppvarmingskarakter Gul - Energikarakter F